هههههههههههههههههههههههههههههههههههههههههههههههههههههههه
ياشعبي حبيبي ياروحي يابيبي
ياحاطك في جيبي يابن الحــــــلال
ياشعبي ياشاطر ياجابر خواطــر
ياساكن مقابــر وصـابر وعــال
يابايع هدومــك ياواكل سمومك
ياحامل همومك وشايل جبــــتال
ياشعبي اللي نايم وسارح وهايــم
وفي الفقر عايم وحاله ده حـــال
مفرفش مطنش احبك محشش
ودايخ مدروخ واخر انسطال
احبك مكبر دماغك مخدر ممشي امورك كده باتكال
واحب اللي ينصب واحب اللي يكدب
واحب اللي ينهب ويسرق تــــلال
واحب اللي شايف وعارف وخايف
وبالع لسانه وكــاتم ماقــال
واحب اللي قافل عيونه المغفل واحب البهايم
واحب البغال واحب اللي راضي
واحب اللي فاضي واحب اللي عايز يربي العيال
واحب اللي بائس واحب اللي يائس
واحب اللي محبط وشايف محال واحبك تسافر
وتبعد تهاجر وتبعت فلوسك دولار او ريال
واحبك تطبل تهـــــــــلل تهبــــــــل
عشان مطش كوره وفيلم ومقــــــــــــال
واحبك تأيد تعضض تمجد توافق تنافق
وتلحس نعال تحضر نشادر
تجمع كوادر تلمع تقمع
تظبط مجال لكن لو تفكر
تخطط تقرر تشغل مخك
وتفتح جدال وتبدأ تشاكل
وتعمل مشاكل وتنكش مسائل
وتسأل سؤال وعايز تنور
وعايز تطور وتعملي روحك مفرد رجال
ساعتها حجيبك لايمكن اسيبك
وراح تبقى عبره وتصبح مثال حبهدل جنابك
وأذل اللي جابك وحيكون عذابك ده فوق الاحتمال
واهزأ سيادتك وامرمط سعادتك
واخلي كرامتك في حالة هزال وتلبس قضية
وتصبح رزية وباقي حياتك تعيش في انعزال
حتقبل ححبك حترفض حلبك
حتطلع حتنزل حجيبلك جمااااال
دى من ضمن روائع احمد فؤاد نجم ياريت تمرو عليها
الرئيسية 
المنشورات 
التسجيل 
دخول 
موضوع: انا مابخافش.....روعة للرائع احمد فؤاد نجم 
الأحد 07 سبتمبر 2008, 11:17 am
