شرح لغة السى شارب فى إطار الدوت نت

بسم الله الرحمن الرحيم
شرح لغة السى شارب فى إطار الدوت نت
و سيكون الشرح للمبتدئين أو مرجعا للمحترفين بإذن الله
و سأقوم بالشرح على Visual Studio 2005
و طبعا ممكن تستخدم الفيجوال سى شارب 2003 أو 2005
و سأضع الدروس بإذن الله بمعدل درس كل يومين أو درسين فى الأسبوع فى حالة انشغالى
الدرس الأول
كيفية التعامل مع البرنامج

حنفتح برنامج ال Microsoft Visual Studio و ندوس File و New و Project
و بعد كده نختار من القائمة Visual C# اختيار Windows و نختار Windows Application كما بالصورة

و طبعا ممكن نغير مسار الملفات بتاعت المشروع عن طريق تغيير ال Location كما بأسفل الصورة
و نضغط أوكى
حيظهرلنا صفحة مقسمة إلى 3 أجزاء رئيسية
الميمنة و هى تحتوى فى أعلاها على ال Solution Explorer و فى أسفلها على الProperties

الميسرة و تحتوى على الToolbox

الوسط و يحتوى على البرنامج بتاعنا
و يجب معرفة ال3 حاجات اللى فاتوا دول كويس قبل البدء
فى وسط البرنامج أمامنا Form1 و هى وجهة البرنامج اللى حنصممه و تسمى الفورم Form
و طبعا البرنامج لا يقتصر على فورم واحدة فقط بل يمكن إضافة المزيد عن طريق القائمة Project و Add Windows Form و لكن مش موضوعنا دلوقتى
المهم ...
حنغير الكلام اللى مكتوب فى أعلاها من فورم 1 إلى Dvd4arab و ذلك عن طريق :
نضغط على Form1 كليكة واحدة شمال و فى صندوق الProperties و سبق أن قلت أنه فى أسفل يمين الصفحة
حنلاقى خاصية إسمها Text حنغير الكلام اللى جنبها من Form1 إلى Dvd4arab
و حنلاقى زرار شكله زى زرار الPlay فى أعلى البرنامج كما بالصورة حندوس عليه

و ده بمثابة اختبار للبرنامج اللى احنا عملناه أو Debug و حيظهرلنا البرنامج
و الكلام المكتوب أعلاه هو Dvd4arab بدلا من Form1

دلوقتى نقفل الفورم اللى اتفتحتلنا و عايزين نزود زرار فى البرنامج
حنلاقى فى الToolbox تحت قائمة Common Controls اختيار Button ندوس عليه كليكة شمال و نرسمه فى الفورم فى المكان اللى عايزينه
أو ممكن ندوس عليه DoubleClick و حنلاقيه اتحط فى الفورم تلقائيا
طاب دلوقتى عايزين نبدأ فى برمجة لأن كل اللى كنا بنعمله إلى الآن شكليات
البرمجة لازم تكون فى أحداث معينة يعنى مثلا لما أدوس على الزرار يحصل كذا و كذا ...
حنوصل للحتة دى إزاى ؟
حندوس على الزرار اللى إحنا حطيناه ده و اللى اسمه دلوقتى button1 كليكتين شمال
حيظهرلنا صفحة جديدة مكتوب فيها الكلام ده

كود PHP:
{
public partial class Form1 : Form
{
public Form1()
{
InitializeComponent();
}

private void button1_Click(object sender, EventArgs e)
{

}
}
}

و نلاحظ أن مؤشر الكتابة موجود بين ال { و ال } اللى تحت الكلام ده
private void button1_Click(object sender, EventArgs e)
و الكلام ده معناه :
Private أى خاص بالحتة دى أو بالModule اللى إحنا فيها و حنشوف الكلام ده فيما بعد
Void يعنى حدث
button1_Click تدل على الحدث اللى حيحدث عنده الكود اللى حنكتبه هنا و هو كليكة شمال على button1
و الكلام الغريب اللى بين القوسين ده هو الParameters-List و فكك منها دلوقتى
طاب دلوقتى إحنا حنكتب كود يخلى الكلام اللى مكتوب على الزرار بتاعنا و هو button1 يتحول إلى مثلا You clicked me
حنكتب فى المكان اللى كان واقف فيه المؤشر بين العلامتين { و } الكود ده

كود PHP:
button1.Text = "You clicked me";

مع ملاحظة أنه يجب وضع العلامة ; فى آخر كل جزء من الكود
و أن أى نص غير متغير يجب وضعه بين علامتى " " و يسمى String
دلوقتى الزرار اللى إحنا حطيناه ده كان مكتوب عليه button1 و دى خاصية إسمها Text زى بالظبط الخاصية اللى كان اسمها Text اللى غيرنا بها إسم الفورم فيما قبل إلى Dvd4arab
و ده يختلف عن إسم الزرار فلو مثلا إحنا غيرنا الكلام اللى مكتوب على الفورم حيفضل إسمها ثابت و هذا الإسم لا يظهر لمستخدم البرنامج بتاعك و لكن تستخدمه أنت فى الكود فقط
يعنى لما حندوس كليكة شمال على الزرار بتاعنا حيتغير الكلا اللى عليه (Text) إلى You clicked me و لكن إسمه (Name) اللى هو button1 حيفضل ثابت إلا لو غيرته عن طريق الProperties أو عن طريق الكود ب button1.Name
و دلوقتى حنشغل البرنامج عن طريق الزرار اللى شبه Play اللى اتكلمنا عليه من قبل
حيظهرلنا البرنامج و الكلام اللى مكتوب على الزرار button1
حندوس على الزرار ده و حنلاحظ إن الكلام اللى عليه إتغير إلى You clicked me
و ممكن مايكنش باين عندك كل الجملة You clicked me فده ناتج عن إنه الزرار صغير أوى فممكن تكبره عن طريق كليكة شمال عليه و غير أبعاده عن طريق النقاط ال8 اللى حوله
و طبعا إحنا عندنا أعلى الصفحة 2 Tabs إلى الآن :
واحدة اسمها Form1.cs* و الثانية Form1.cs[Design]* و الأولى بتجيبلك صفحة الكود و الثانية صفحة التصميم اليدوى

و طبعا فيه حاجات كتير أوى ممكن تغيرها فى الزرار button1 أو الفورم Form1 فممكن مثلا تغير طولها Height أو عرضها Width أو ....
و ده عن طريق إما يدويا فى صندوق الProperties كما غيرنا الText من قبل أو بالكود عن طريق كود شبه اللى احنا عملناه من شوية

فممكن مثلا كل ماندوس على الbutton1 يزيد عرضه بمقدار معين و ذلك عن طريق إننا نكتب تحت الكود بتاع تغيير الText الآتى و لكن قبل إغلاق علامه ال {
نكتب button1 و ده إسم الزرار و ليس الكلام اللى عليه و بعد كده نكتب نقطة . حنلاقى قائمة كبيرة إنفتحتلنا و هى كل الأشياء اللى ممكن نغيرها فى هذا الزر
حنختار من القائمة Width و هو العرض و لو مش لاقيينها نكتب W و حنلاقيها بسهولة و لما تيجى العلامة عليها ندوس Enter و حتتكتب لوحدها و ده مش أكتر من تسهيل بدلا من كتابة كل الكلمة
و ممكن بدلا من Enter تكمل كتابة الكود عادى جدا و تدوس = .... أو أى حاجة إنت عايزها حسب الكود

نرجع لحتة العرض
و إحنا لحد دلوقتى كتبنا button1.Width حنكمل الكلام ده إلى أن يصبح

كود PHP:
button1.Width = button1.Width + 20;

و برده ماننساش علامة ;
و نشغل البرنامج
حنلاقى كل ما بندوس على الزرار بيزيد عرضه
و ماحدش يفتكر إنه دى زى المعادلات الجبرية يعنى ممكن نضيع اللى فى اليمين مع اللى فى الشمال
و لكن معنى المعادلة دى إنه اللى بعد علامة ال = يتم حسابه و تخزينه فى اللى قبل علامة ال=
و بذلك كل مرة يتم إضافة 20 على button1.Width
و ممكن تكتشفوا بقى فى الخواص الأخرى للأشياء لأن من الدرس اللى جاى إن شاء الله سأبدأ فى شرح البرمجة الحقيقية بلغة السى شارب

نيجى على آخر حتة فى الموضوع بتاعنا و هى كيفية عمل البرنامج .exe علشان نشغله عند أى حد
ممكن نعمل برنامج مكون من فايل واحد .exe و ده لو انت عايز تشغله على جهازك فقط لأنه مش مضمون إنه يشتغل عند الناس التانية
و ده حتلاقيه فى الملف اللى اسمه Bin فى مجلد الشغل بتاعك
فلو كان مثلا المسار اللى انت اخترته فى الأول خالص
C:\Documents and Settings\TheGhostFish\My Documents\Visual Studio 2005\Projects\WindowsApplication1
حيبقى مسار المجلد Bin بتاعك و جواه مجلد Debug أهوه
C:\Documents and Settings\TheGhostFish\My Documents\Visual Studio 2005\Projects\WindowsApplication1\WindowsApplicati on1\bin\Debug
و حتلاقى ملف إسمه WindowsApplication1.exe و هو ده البرنامج بتاعك

أما لو عايز توزع البرنامج بصورة أوسع ممكن تعمله setup.exe زى بتاع البرمج اللى بننزلها كلها
و ده عن طريق تدوس Project فى أعلى البرنامج و تختار آخر خيار و هوWindowsAppliction1 properties حيطلعلك صفحة تضغط فيها على Publish و هو آخر خيار و حتلاقى زرارين فى آخر الصفحة و هما Publish Wizard و Publish Now و هما المسئولين عن العملية دى

و بكده نكون خلصنا الدرس الأول و ياريت المبتدئين يصحصحوا شوية علشان من الدرس اللى جاى بإذن الله حندخل فى التقيل

تم بحمد الله الدرس الأول
******************************************

الدرس الثانى

Using Console

حندوس من قائمة File فى أعلى البرنامج على New ثم Project
و بدل ماختارنا Windows Application حنختار Console Application
حيطلعلنا المرادى كود على طول من غير فورم
فال Console Appliction مش زى أى برنامج
بل كل الشغل اللى فيها عن طريق نافذة زى ال Command Prompt

دلوقتى مؤشر الكتابة واقف تحت جزئية

كود PHP:
static void Main(string[] args)

و طبعا بين علامتى { و }
فيه أوامر كتير ممكن نكتبها فى الحتة دى لها علاقة بالConsole
فحنكتب Console و ندوس . و حنلاقى قائمة كبيرة انفتحتلنا
حنختار WriteLine و نكمل الكود علشان يبقى بالمنظر ده

كود PHP:
Console.WriteLine("Welcome to C Sharp");

و بعد كده ندوس فى أعلى البرنامج على زر Start Debugging
حنلاقى صفحة سوداء انفتحتلنا و انكتب فيها عبارة Welcome to C Sharp
و بعد كده تتقفل فى ساعتها

فعلشان نلحق نشوف اللى بيحصل يبقى من الأفضل لما نيجى نشغل برامج الConsole بدل ما ندوس Start Debugging ندوس من قائمة Debug فى أعلى البرنامج على الخيار Start Without Debugging
و حنلاقى البرنامج بيطلب مننا ندوس أى زرار قبل ما يتقفل
دلوقتى حنزود على السطر الأول اللى كتبناه سطر جديد بحيث يكون الكود كله

كود PHP:
Console.WriteLine("Welcome to C Sharp");
Console.WriteLine("How Are You ?");

و نشغل البرنامج عن طريق Start Without Debugging
حنلاقى بيكتبلنا فى السطر الأول Welcome to C Sharp و فى الثانى How Are You ?
دلوقتى حنغير السطر الأول فى الكود بحيث يكون الكود الكلى

كود PHP:
Console.Write("Welcome to C Sharp");
Console.WriteLine("How Are You ?");

و نشغل البرنامج
حنلاقيه طلعلنا الكلام كله فى سطر واحد و الجملة الأولى مشبوكة فى الثانية
نستخلص من كده إن خاصية WriteLine بتكتب الكلام و بعد كده بتعمل Enter تلقائيا علشان تنتقل للسطر اللى وراه
أما Write فبتكتب الكلام و بس من غير ما تنقلك للسطر اللى وراه بعد الكتابة

نيجى على خاصية تانية و هى عكس الخاصيتين السابقتين
و لكن علشان نفهمها لازم نعرف إنه فيه أنواع عديدة من المتغيرات
و حنستخدم منهم نوع واحد فقط فى الدرس ده و هو :
String و هو يعبر عن متغير ممكن يتسجل فيه حروف و أرقام و جمل ...
و يتم فرضه مثلا لو المتغير حنسميع x هكذا String x
و سيتم الحديث عن باقى الأنواع و السعة التى تقبلها فى الدروس القادمة إن شاء الله

و دلوقتى حنمسح السطرين اللى كتبناهم من شوية و نكتب مكانهم

كود PHP:
Console.Write("Please Write Your Name : ");
string x = Console.ReadLine();
Console.WriteLine("Welcome " + x);

و نشغل البرنامج
حنلاقيه بيكتب Please Write Your Name : و بيستنى لما تكتب إسمك و لما تدوس Enter بيقولك Welcome و جنبها إسمك
نستخلص من المثال السابق إن خاصية ReadLine دى بتخلى البرنامج يستنى لحد مانتا تدخله معلومة معينة
فالمعلومة دى إحنا خلناه يسجلها فى المتغير x و طبعا لازم يكون String علشان الإسم فيه حروف
و بعد كده خلناه يكتب Welcome و جنبها المتغير x اللى انت سجلت فيه إسمك من قبل
طاب ليه كتبت فى الكود كلمة Welcome بين علامتى " " و ماكتبتش x بين العلامتين دول ؟
علشان Welcome دى كلمة أنا كاتبها ولا تمثل للبرنامج أى متغير سابق تم فرضه
أما x فالبرنامج عارف هى إيه من الأول
و طبعا أنا حطيت جنب Welcome مسافة Space علشان مايبقاش الإسم لازق فى Welcome
و كمان الرمز + علشان يتم الجمع بينهما طبعا ليس جمعا جبريا و لكن بوضعهما جنب بعضهما

ملحوظة :
كان ممكن أفرض المتغير x فى سطر منفصل يعنى أشيل سطر

كود PHP:
string x = Console.ReadLine();

و أحط مكانه

كود PHP:
string x;
x = Console.ReadLine();

و حاتدينى نفس النتائج

و طبعا ممكن تتحكم فى شكل الصفحة السوداء المفتوحة عن طريق أوامر عديدة مثل :
BackgroundColor و هى تتحكم فى أرضية الكلام المكتوب
مثال :

كود PHP:
Console.BackgroundColor = ConsoleColor.Red;
Console.WriteLine("Welcome to C Sharp");

و يتم تغيير اللون عن طريق ConsoleColor و بعد كتابة النقطة يظهر لك قائمة تختار منها اللون اللى عايزه

Foregroundcolor و هى تتحكم فى لون الكلام المكتوب
مثال :

كود PHP:
Console.ForegroundColor = ConsoleColor.Red;
Console.WriteLine("Welcome to C Sharp");

طاب لو كتبنا الكود ده :

كود PHP:
Console.WriteLine("Welcome to C Sharp");
Console.ForegroundColor = ConsoleColor.Red;
Console.WriteLine("Good Bye");

حنلاقى السطر الأول Welcome to C Sharp باللون الأصلى و حنلاقى السطر الثانى Good Bye باللون الأحمر و ذلك لأن البرنامج يقرأ التعليمات بالترتيب كما بالكود
فإحنا حولنا اللون لأحمر بعد ما كتبنا السطر الأول فينطبق اللون الأحمر على الأسطر المقبلة وليس السابقة على عكس الTextBox أو أى مكون آخر فلو غيرت لونه بيتغير من الأول

Title و هى تحدد لك الكلام المكتوب فى الشريط الأزرق أعلى الصفحة السوداء بتاعتنا
مثال :

كود PHP:
Console.Title="Welcome to C Sharp";

و هناك الكثير من الأشياء الأخرى الممكن تغييرها مثل WindowHeight و تتحكم فى الارتفع و WindowWidth و تتحكم فى العرض
مثال :

كود PHP:
Console.WindowHeight= 20;
Console.WindowWidth = 30;

ملحوظة :
يمكن استخدام الConsole فى الWindows Applictions و ليس فقط فى الConsole Applictions و ذلك من أجل تجربة النواتج و يظهر لك النواتج فى صندوق الOutPut و الذى نأتى به من View و OutPut و لكن بالطبع سيكون للقراءة فقط و لن يمكن الكتابة فيه فهو لمجرد اختبار النواتج للمبرمج ولا يظهر لمستخدم البرنامج

تم بحمد الله الدرس الثانى

******************************************

الدرس الثالث

MessageBox

فى العديد من البرامج نجد نوافذ صغيرة تنفتح لنا و تتحدث عن Error أو أى حاجة تانية و يكون فيها زرار Ok أو Ok و Cancel أو Ignore و Retry و Abord أو ....
حندوس على قائمة File أعلى البرنامج و ندوس New و Project و نختار Windows Appliction و ندوس ok
و نضيف Button و نغير من الProperties بتاعته الName بتاعه إلى cmdMsg و الText بتاعه إلى Show Message
و بعد كده DoubleClick على الزرار بتاعنا علشان نكتب الكود اللى احنا عايزينه

دلوقتى إحنا عايزين نظهر MessageBox
و ده عن طريق إننا نكتب MessageBox.Show
و المثال ده حيوضحلنا الموضوع

كود PHP:
MessageBox.Show("Welcome To C#");

و حنشغل البرنامج عن طريق زرار Start Debugging
و ندوس على الزرار بتاعنا حنلاقى نافذة إتفتحتلنا بالشكل ده

و لكن ممكن نضيف و نعدل خصائص الMessageBox اللى طلعلنا ده
حنمسح الكود اللى كتبناه و نكتب الكود ده

كود PHP:
MessageBox.Show(this,
"Welcome To C#",
"This is a welcome message",
MessageBoxButtons.OKCancel,
MessageBoxIcon.Information,
MessageBoxDefaultButton.Button2);

و طبعا ممكن نكتبه كله على سطر واحد ماتفرقش
و نشغل البرنامج و ندوس على cmdMsg
حيطلعلنا MessageBox كما بالصورة

نمسك حاجة حاجة من المكونات دى

أولا كلمة This و هى هنا تعود على Form1 و هى تعادل Me فى لغة الفيجوال بيزيك
و نضعها هنا علشان يكون الMessageBox تابع لها و لو ماحطناهاش ماتفرقش و ممكن نحط مكانها مثلا cmdMsg

ثانيا كلمة "Welcome to C#" و هى تمثل الText أو نص ال MessageBox
ثالثا كلمة "This is a welcome message" و هى تمثل الCaption أو عنوان ال MessageBox

رابعا MessageBoxButtons و هى تمثل الأزرار اللى احنا عايزينها فى الMessageBox
و لها العديد من الخيارات لما ندوس نقطة جنبها
فالخيار AbordRetryIgnore يضع لك فى ال MessageBox ثلاث زراير هم Abord و Retry و Ignore
و كذلك الخيار OkCancel يضع لك زرارين Ok و Cancel ... و هكذا ...

خامسا MessageBoxIcon و هى تمثل الأيقونة اللى فى ال MessageBox
و لها خيارات عديدة كما بالشكل

سادسا MessageBoxDefaultButton و هى تعبر عن الزرار اللى بيكون متعلم عليه أصلا فى ال MessageBox بمعنى إذا دست Space أو Enter أول ما يظهرلك ال MessageBox من غير ما تعمل حاجة فحيتداس على هذا الزر
و تقوم بتحديد هذا الزر عن طريق button1 أو button2 ....
و طبعا ماننساش علامة ال , بين كل مكون و الآخر

و طبعا فيه حاجت أخرى عديدة ممكن نعملها زى مثلا MessageBoxOptions
و أشهر الخيارات فيها :
MessageBoxOptions.RightAlign
و هو بيخلى الكلام اللى فى ال MessageBox ينحاز يمينا كما بالشكل

و MessageBoxOptions.RtlReading
و هو بيخلى ال MessageBox على النظام العربى أو ال Right-to-Left و هو يستخدمه بعض المبرمجون العرب كما بالشكل

***************************************************************
يتبع باقي الدروس
منقول
مستنين الردود
ردودكم تشجعنا علي تقديم المزيد